Гиёҳвандлик воситалари ва кучли таъсир қилувчи дори воситаларининг ноқонуний айланмасига қарши курашиш доирасида Фарғона вилоятида тезкор тадбир ўтказилди. Қўқон шаҳрида ҳаракатланаётган “Жентра” автомашинаси тўхтатилиб, кўздан кечирилганда, унда йўловчи сифатида кетаётган 1994 йилда туғилган фуқарога тегишли Қирғиз Республикасидан контрабанда қилинган 2 797 дона “Регапен” дориси борлиги аниқланди.
Мазкур ҳолат юзасидан шахсга нисбатан Жиноят кодексининг 251¹-моддаси 5-қисми билан жиноят иши қўзғатилиб, унга “қамоқ” эҳтиёт чораси қўлланилди. Ҳозирда тергов ҳаракатлари олиб борилмоқда.
Мутахассислар кучли таъсир қилувчи ва психотроп дориларни шифокор тавсиясисиз қабул қилиш соғлиқ учун хавфли эканини эслатиб, бундай моддаларнинг ноқонуний айланмаси ҳамда рецептсиз сотилиши қонун билан қатъиян тақиқланганини таъкидламоқда.
