Ҳолат юзасидан терговга қадар текширув ишлари олиб борилмоқда.
Вилоят ИИБ ахборот хизматининг маълум қилишича, 7 февраль куни 1986 йилда туғилган фуқаро Ш.Т. “112” рақамига қўнғироқ қилиб, хизмат вазифасини бажараётган вақтида унга нисбатан зўравонлик содир этилганини билдирган.
Аниқланишича, 1993 йилда туғилган И.О. фарзандини тиббий кўрикдан ўтказиш учун клиникага олиб келган ва шифокор билан юзага келган зиддият оқибатида унинг бош қисмига уриб, тан жароҳати етказган.
Жароҳатнинг оғирлик даражасини аниқлаш мақсадида суд-тиббий экспертиза тайинланган. Ҳолат юзасидан терговга қадар текширув ҳаракатлари давом этмоқда.
Аввалроқ Сирдарё ва Тошкентда ҳам шифокорларга нисбатан зўравонлик ҳолатлари қайд этилганди. Айбдор шахслар қонуний жавобгарликка тортилган.
