Ҳодиса 27 февралга ўтар кечаси Шучинск шаҳридаги беш қаватли турар-жой биносига уланган кафеда содир бўлган. Дастлабки маълумотларга кўра, портлаш газ-ҳаво аралашмаси чақнаши натижасида юз берган.
Маълум қилинишича, жабрланганларнинг 13 нафари Бурабай туман касалхонасига ётқизилган, 6 киши амбулатор кузатувга олинган. Қурбонлар орасида 16 ёшли қиз ҳам бор.
Вилоят ҳокимлиги барча зарур куч ва воситалар сафарбар этилганини, воқеа жойида махсус ишчи гуруҳ фаолият олиб бораётганини маълум қилди.
Мутахассислар томонидан ҳодиса сабаблари ўрганилмоқда. Жароҳатланганларга тиббий ёрдам кўрсатилмоқда, марҳумларнинг оилаларига зарур кўмак берилиши билдирилди.
