2016 йилда суратга олинган ушбу картина жаҳон прокатида 236 миллион доллардан ортиқ маблағ жамғариб, ҳинд филмлари орасида рекорд натижа қайд этди. Филм нафақат Ҳиндистонда, балки айниқса Хитойда ҳам катта муваффақият қозонган.
“Дангал” реал воқеаларга асосланган спорт драмаси бўлиб, собиқ курашчи Маҳавир Сингх Фогатнинг қизларини чемпион даражасига олиб чиқиш йўлидаги қатъияти ҳақида ҳикоя қилади. Оддий, аммо таъсирли сюжет — орзу, интизом ва матонат мавзуси томошабинга яқин бўлди.
Танқидчилар филмни самимий руҳ ва кучли актёрлик учун мақтаган. Айрим баҳс-мунозараларга қарамай, “Дангал” бефарқ қолдирмади ва глобал аудиторияни забт эта олди.
