Ушбу учрашувда ўзбекистонлик ҳимоячи Абдуқодир Ҳусанов иккинчи бўлимда захирадан майдонга тушди.
4 март куни бўлиб ўтган баҳсда ҳисоб 31-дақиқада мезбонлар ҳужумчиси Антуан Семеньо томонидан очилди. Иккинчи бўлимда эса “Ноттингем Форест” ярим ҳимоячиси Морган Гиббс-Уайт 56-дақиқада жавоб голини киритди. Орадан олти дақиқа ўтиб, Родри “Манчестер Сити”ни яна олдинга олиб чиқди.
76-дақиқада Эллиот Андерсон меҳмонлар ҳисобни яна тенглаштирди. Шундан сўнг жамоа бош мураббийи ҳимоя чизиғини мустаҳкамлаш мақсадида Райан Аит-Нурини алмаштириб, унинг ўрнига Абдуқодир Ҳусановни майдонга туширди. Қолган дақиқаларда ҳисоб ўзгармади ва ўйин 2:2 ҳисобида якунланди.
“SofaScore” статистик порталига кўра, 77-дақиқада майдонга тушган Ҳусанов 13 дақиқа ҳаракат қилди ва унинг ўйини 6,7 баллга баҳоланди. У шу вақт ичида 9 та узатманинг 8 тасини аниқ амалга оширган.
Айни пайтда Англия Премьер-лигаси турнир жадвалида 67 очко билан “Арсенал” пешқадамлик қилмоқда. “Манчестер Сити” эса 60 очко билан иккинчи ўринда бормоқда.
