Ўзбекистонда жорий йилнинг I чорагида ташқи савдо ҳажми умумий ҳисобда ўсишни кўрсатган бўлса-да, экспорт кўрсаткичларида пасайиш қайд этилди.
Расмий статистикага кўра, январь–март ойларида мамлакатнинг ташқи савдо айланмаси 18 млрд долларга етган. Бу ўтган йилнинг шу даврига нисбатан ўсишни англатади. Бироқ экспорт ҳажми 5,8 млрд доллар атрофида шаклланиб, 29,3 фоизга камайгани қайд этилмоқда.
Шу билан бирга, импорт ҳажми сезиларли даражада ошиб, 12 млрд 213,8 млн АҚШ долларига етган. Бу эса аввалги йилдаги хос даврга нисбатан 30,8 фоиз ўсиш дегани. 140 дан ортиқ давлатдан товар ва хизматлар импортини амалга оширилиб, жумладан, Хитой (32,5 фоиз), Россия (18,3 фоиз), Қозоғистон (8,4 фоиз) каби давлатлар асосий импортчилар бўлган. Бу эса жами импортнинг 70 фоиздан ортиғини ташкил этади. Бу эса ички бозорда импорт маҳсулотларига талаб юқори эканини кўрсатади.
Ташқи савдода асосий ҳамкорлар сифатида Хитой, Россия ва Қозоғистон етакчи ўринни сақлаб қолган. Бу давлатлар билан савдо айланмаси умумий импорт ва экспорт оқимининг катта қисмини ташкил этмоқда.
