Тошкент вилоятининг Ангрен шаҳрида доимий равишда ит сўйиб келган икки нафар эркак қўлга олинди. Бу ҳақда маҳаллий манбалар хабар берди.
Маълум қилинишича, ҳолат 27 февраль куни аниқланган. Ижтимоий тармоқларда тарқалган видеода икки нафар шахс итларни сўяётгани акс этган. Кейинчалик улар бундай ишни мунтазам равишда амалга ошириб келгани маълум бўлган.
Ҳолатдан хабар топган фуқаролар дарҳол ички ишлар органларига мурожаат қилган. Шундан сўнг ҳуқуқни муҳофаза қилувчи органлар томонидан шахслар аниқланиб, уларга нисбатан тегишли ҳужжатлар расмийлаштирилган.
Ангрен шаҳар суди қарорига кўра, улар Маъмурий жавобгарлик тўғрисидаги кодекснинг 111-моддаси 2-қисми — ҳайвонларга нисбатан шафқатсиз муносабатда бўлишда айбдор деб топилиб, 15 сутка маъмурий қамоқ жазоси тайинланди.
