The New York Times нашри ўтказган суриштирувга кўра, Эпштейн уларга катта ҳақ, қиммат совғалар ва хайрия пуллари бериб, эвазига ёш аёллар устидан назоратни кучайтирган.
Нашр маълумотига кўра, Эпштейн билан ишлаган айрим тиббиёт ходимлари одатий тиббий меъёрларни бузган ёки уларга кўз юмган. Бу орқали у айниқса хориждан келган ёш аёлларнинг тиббий хизматларини назорат қилиш имконига эга бўлган.
Суриштирувни олиб борган журналистнинг таъкидлашича, Эпштейн шифокорлар ёрдамида ёш аёлларни турли йўллар билан бошқаришга ва уларга таъсир ўтказишга уринган.
