Қўшма Штатлар бугун Ўзбекистонга рейс амалга ошириб, мамлакатда қолиш учун қонуний рухсатга эга бўлмаган 72 нафар ўзбекистонликни қайтариб юборди. Бу ҳақда АҚШнинг Ўзбекистондаги элчихонаси маълум қилди.
Маълум қилинишича, мазкур парвоз АҚШнинг чегара хавфсизлигини таъминлаш ва ноқонуний иммиграцияга чек қўйиш бўйича навбатдаги тадбирларидан бири ҳисобланади. Президент Дональд Трумп лавозимга киришганидан буён 1000 дан ортиқ ўзбекистонлик АҚШдан депортация қилинган.
Элчихона таъкидлашича, АҚШ ҳудудига ноқонуний кирган шахслар қамоқ жазосига тортилиши ва мамлакатдан чиқариб юборилиши мумкин. Шу билан бирга, АҚШ ҳукумати Ўзбекистон билан депортация тадбирларини амалга оширишда ҳамкорлик учун чуқур миннатдорлигини билдирган.
