У фуқарога кадастр ҳужжатларини тезлаштириб бериш эвазига пул талаб қилган.
Маълум қилинишича, Кадастр агентлигининг Мирзаобод тумани бўлими бош инспектори 1975 йилда туғилган фуқаронинг ишончига кириб, таниш мансабдор шахслар орқали унинг яшаш хонадони учун кадастр ҳужжатларини расмийлаштириб бериш ва ҳужжатларни муддатидан олдин тайёрлаб бериш эвазига 1500 АҚШ доллари сўраган.
Давлат хавфсизлик хизмати ҳамда Иқтисодий жиноятларга қарши курашиш департаменти ходимлари ҳамкорлигида ўтказилган тезкор тадбирда у 1000 АҚШ доллари ва 6 млн 50 минг сўм олаётган вақтида ашёвий далиллар билан қўлга олинган.
Мазкур ҳолат юзасидан унга нисбатан Жиноят кодексининг 168-моддаси 3-қисми “в” банди ҳамда 28, 211-моддаси 1-қисми билан жиноят иши қўзғатилиб, қамоқ эҳтиёт чораси қўлланган. Ҳозирда тергов ҳаракатлари олиб борилмоқда.
