Туркия ташқи ишлар вазири Ҳоқон Фидан Исроил Эрон ортидан янги “душман” излаётгани ва бу сафар Туркияни нишонга олаётганини билдирди. Унинг сўзларига кўра, Исроил бош вазири Бинямин Нетаняху мамлакатини янги таҳдид сифатида кўрсатишга ҳаракат қилмоқда.
Вазир, шунингдек, Исроилнинг Сурияга нисбатан ҳаракатлари Анқара учун жиддий хавф туғдираётганини таъкидлади. Унга кўра, ҳозирги вазият вақтинчалик бўлиши мумкин ва келажакда кескинлик яна кучайиши эҳтимоли бор.
Фидан АҚШ ва Эрон ўртасидаги музокараларга ҳам тўхталиб, томонлар ўт очишни тўхтатиш масаласида жиддий эканини қайд этди. Шу билан бирга, у музокаралар мураккаб кечаётганини ва якуний келишувга эришиш учун кўпроқ вақт талаб этилиши мумкинлигини қўшимча қилди.
