16 март куни соат 16:30 атрофида Тошкент шаҳри Мирзо Улуғбек тумани “Лашкарбеги” МФЙ, Ҳамид Олимжон кўчасида жойлашган кўп қаватли уй хонадонларининг бирида ёнғин содир бўлгани ҳақида шаҳар фавқулодда вазиятлар бошқармасига хабар келиб тушди.
Маълум қилинишича, қутқарув экипажлари воқеа жойига соат 16:38 да етиб бориб, ёнғинни 16:52 да қуршаб олган ҳамда 16:59 да тўлиқ бартараф этган.
Ҳодиса оқибатида тан жароҳати олганлар қайд этилмаган.
Ҳозирда ёнғиннинг келиб чиқиш сабаби ва етказилган зарар миқдори аниқланмоқда.
