“Ҳудудий электр тармоқлари” АЖнинг “Энергосавдо” филиали Фарғона бўлинмаси муҳандиси ўз хизмат мавқеидан фойдаланиб, Ўзбекистон туманида яшовчи фуқарога нисбатан расмийлаштирилган далолатнома бўйича ҳисобланган 1,8 миллиард сўм жаримани 210 миллион сўмга тушириб беришни ваъда қилган.
У бунинг эвазига 10 минг АҚШ доллари талаб қилган.
Давлат хавфсизлик хизмати ҳамда Иқтисодий жиноятларга қарши курашиш департаменти ходимлари томонидан ўтказилган тезкор тадбирда муҳандис сўралган пулнинг 9 минг долларини учинчи шахс орқали олаётган вақтида ушланган.
Ҳозирда унга нисбатан жиноят иши қўзғатилиб, “қамоқ” эҳтиёт чораси қўлланилган. Тергов ҳаракатлари давом этмоқда.
Фуқароларга шу каби ҳолатларга дуч келганда ДХХнинг 1520 қисқа рақамига мурожаат қилиш тавсия этилди. Шахсий маълумотлар махфийлиги кафолатланади.
