Тошкент шаҳри Бектемир туманида қария аёл босқинчилик қурбонига айланди. Уч нафар шахс олдиндан тил бириктириб, уни уриб, 12 миллион сўм ва бошқа буюмларини олиб қочган.
Ички ишлар ходимлари олиб борган тезкор тадбирлар натижасида гумондорлар қўлга олинди. Улардан ашёвий далиллар олиб қўйилган, ҳозирда тергов давом этмоқда.
Маълум қилинишича, гумондорларга нисбатан Жиноят кодексининг 164-моддаси бўйича айб эълон қилинган. Ушбу жиноят учун 20 йилгача озодликдан маҳрум қилиш жазоси тайинланиши мумкин.
