Сенегал футбол федерацияси миллий жамоани Африка кубоги ғолиблигидан маҳрум қилиш ҳақидаги қарор устидан Халқаро спорт арбитраж суди (CAS)га шикоят киритишини маълум қилди.
Федерация баёнотида Африка футбол конфедерацияси апелляция қўмитаси қарори “адолатсиз ва қабул қилиб бўлмайдиган” деб баҳоланган. Шунингдек, бу ҳолат Африка футболи нуфузига путур етказиши таъкидланган.
Аввалроқ CAF қарорига кўра, финалда Марокашга қарши ўйинда Сенегал мағлуб деб топилиб, чемпионлик Марокашга берилган эди.
Маълум бўлишича, финал баҳсида сенегаллик футболчилар ҳакам томонидан белгиланган пенальтидан норози бўлиб, ўйин тугамасдан майдонни тарк этган. Бу эса мусобақа регламентига зид ҳолат сифатида баҳоланган.
Шу сабабли Сенегал чемпионликдан маҳрум қилиниб, кубок Марокаш терма жамоасига топширилган.
