Дортмунднинг “Боруссия” жамоаси ҳужумчиси Адриан Ромас ўз фаолиятини Хитой чемпионатида давом эттириши мумкин. Бу ҳақда Bild нашрига таяниб, “Championat.com” хабар бермоқда.
Маълумотларга кўра, колумбиялик футболчига “Бэйцзин Гоань” клуби қизиқиш билдирган. Айни вақтда Рамоснинг йиллик ойлиги 3 млн еврони ташкил қилади, хитойликлар эса унга 3 баробар кўпроқ таклиф қилмоқда. Футболчининг трансфери 10 млн еврога баҳоланмоқда.
Маълумот учун, жорий мавсумда Адриан Рамос Бундеслиганинг 16 ўйинида (4 таси асосий таркибда) майдонга тушиб, 2 та гол ва 1 та голли узатмага муаллифлик қилди.
Таъкидлаш керакки, “Бэйцзин Гоань” сафида Ўзбекистон терма жамоаси ҳимоячиси Егор Кримец тўп суради.