“Олот” божхона постида Туркманистондан келган фуқаро тўхтатилди. Унинг хатти-ҳаракатлари божхона ходимларида шубҳа уйғотгани сабаб чуқурлаштирилган кўрикка йўналтирилди. Замонавий сканерлаш ускуналари ёрдамида эркак ўз танаси ичида оғирлиги 310 грамм бўлган заргарлик буюмларини яширгани аниқланди.
Шунингдек, “Бухоро аэропорти” божхона постида Туркиядан келган йўловчи текширилганда, унинг багажидан божхона божсиз олиб кириш меъёридан ортиқ — 108,3 грамм заргарлик буюмлари топилди.
Барча тақинчоқлар мусодара қилиниб, вақтинча сақловга қўйилди. Мазкур ҳолатлар юзасидан божхона органлари томонидан суриштирув ишлари олиб борилмоқда.
