Расмий маълумотларга кўра, 8 та ҳудуд нишонга олинган. Днепр шаҳри энг кўп зарар кўрган — бу ерда 20 дан зиёд одам жароҳат олган, улар орасида 9 ёшли бола ва икки полиция ходими ҳам бор.
Чернигов вилоятининг Нежин шаҳрида 2 киши ҳалок бўлган, Харьковда эса 1 ёшли бола яраланган.
Днепрда қутқарув ишлари давом этмоқда, Чернигов, Одесса ва Харьковда ҳам авария хизматлари иш олиб бормоқда. Донецк вилоятида ҳам бир қатор шаҳарларда уйлар ва инфратузилмага зарар етгани айтилмоқда.
Украина ҳаво кучлари маълум қилишича, Россия 600 дан ортиқ дрон ва 47 та ракета учирган, уларнинг аксарияти ҳаво мудофааси томонидан йўқ қилинган ёки йўлдан қайтарилган.
