Кеча, 3 май куни Миланнинг “Интер” жамоаси Италия А Серияси 35-тур доирасида Пармани 2:0 ҳисобида мағлубиятга учратди. Шу тариқа миланликлар турнир якунига уч тур қолганда мамлакат чемпионлигини қўлга киритди.
“Парма”га қарши учрашувда “Интер” Маркус Тюрам ва Генрих Мхитарянинг голлари эвазига ишончли ғалабага эришди.
Ушбу натижадан сўнг, “Интер” очколарини 82 тага етказиб, иккинчи ўриндаги “Наполи”дан (70 очко) 12 очко олдинлаб кетди. “Парма” эса 42 очко билан 12-ўринда қолмоқда.
Мазкур чемпионлик “Интер” учун клуб тарихидаги 21-А Серия ғалабаси бўлди. Бу борада фақат “Ювентус”(36 марта) “нерадзурилар”дан олдинда турибди.
Маълумот учун, ўтган мавсум Италия чемпионлигини “Наполи” жамоаси қўлга киритган эди.
