Ўзбекистонлик яна икки нафар ярим ҳимоячи фаолиятини Малайзияда давом эттириши мумкин. Бу ҳақда “Оламспорт” нашри маълум қилмоқда.
Маълумотларга кўра, "Локомотив" клуби аъзоси Садриддин Абдуллаев ва "Фельда Юнайтед" билан шартномаси тугаган Лутфулла Тўраев фаолиятини яна Малайзияда давом эттириши мумкин.
Абдуллаев ўз вақтида "Т-Тим" клуби шарафини ҳимоя қилганди. Тўраев эса 2016 йилда "Фельда" сафида Малайзия вице-чемпиони бўлди. Ҳозирча бу футболчилар қайси клубларга кетишаётгани ҳақида маълумотлар йўқ.
