Шу йилнинг 4 январидан “Олмалиқ”нинг янги мавсум тайёргарлиги доирасидаги иккинчи йиғини бошланди. Бу ҳақда “Sports.uz” портали хабар бермоқда.
Олмалиқликларнинг Тошкентдаги йиғинига “Бухоро”нинг икки футболчиси Шавкат Муллажонов ва Камолиддин Мурзоев қўшилди. Маълум бўлишича, ўтган мавсумни “Бухоро”да ўтказган ҳимоячи Шавкат Муллажонов “Олмалиқ” билан шартнома имзолаган.
Ҳозирча, томонларнинг қанча муддатга келишувга эришганликлари борасида маълумотлар йўқ. Олдинроқ “Олмалиқ”нинг 14 футболчига жавоб бергани маълум бўлганди.
