Зарур масаллиқлар: 200 гр. шоколад, 100 мл. қаймоқ, 2 ош қошиқ какао кукуни, 4 дона ёнғоқ.
Хамирига: 400 гр. ун, 200 гр. шакар, 200 мл. сметана, ярим банка қуйилтирилган сут (сгущёнка), 1 чой қошиқ юмшатгич (разрыхлитель).
Кремига: 200 гр. сариёғ, ярим банка қуйилтирилган сут (сгущёнка).
Тайёрланиши: 1. Тухумни шакар билан кўпиртириб, сметана ва қуйилтирилган сут қўшинг. Ун ва юмшатгич солиб, хамир тайёрланг.
2. Пергамент қоғози солинган қолипга хамирни қуйиб, 180 даражада қиздирилган газ печига 45 дақиқага қўйинг.
3. Хона ҳароратида юмшатилган сариёғни миксер ёрдамида кўпиртиринг. Кўпиртиришда давом этиб, қуйилтирилган сут қўшинг. Аралаштириб, ярим соатга музлаткичга қўйинг.
4. Бисквитни икки бўлакка бўлиб, орасига крем суртинг. Юзига буғда эритилган шоколад, қаймоқ ва какао аралашмасини суртиб, ёнғоқ бўлаклари билан безанг.
Тухум яхши кўпириши учун у янги ва музлаткичда сақланган бўлиши керак.
