Мухлисларимизнинг саволларига олий тоифали логопед шифокор Лола Муминова жавоб беради…
— Болам сўзларни нотўғри талаффуз қилаяпти. Нима қилсам бўлади? Ундаги нутқ камчилиги нималарга олиб келиши мумкин?
Нодира, Тошкент шаҳри
— Болалар бу нуқсон туфайли дарсларни ўзлаштиришда тенгдошларидан орқада қолади, ўзига ишончи йўқолади ва нутқ камчилиги чуқурлашиб кетишига олиб келади. Даволаш іам қийинлашади. Аввало, ота-она ўз фарзанди билан гаплашганда, сўзларни тўғри талаффуз қилишлари лозим. Ундан сўнг ўсиб бораётган ёш болаларнинг бармоқларини кўпроқ шакллантириш керак. Масалан, боланинг бармоқларини (майда моторика) массаж қилиш зарур ёки турли пластилин (хамир, лой)дан шакллар ясаш, майда ўйинчоқларни ажратиш каби. Чунки бармоқлар ишлашининг нутққа катта таъсири бор.
— Ўғлим 2 ёшу 10 ойлик, баъзи сўзлардаги бўғинларни ўрнини алмаштириб гапиради. Масалан: бегемотни бемегот, помидорни мамидор дейди. Хавотирлана бошлаяпман.
Холида, Навоий вилояти
— Бўғинларни ўрни билан алмаштириш 2,5-3 ёшли болаларда учраб туради. Болага талаффуз қилиш қийин бўлган сўзларни бир неча марта такрорлатинг. Товушларни бир-биридан фарқлашни ўргатинг. Бу машқларнинг барчасини болага ўйин тарзида ўргатиш лозим. Масалан, шеър ёки қўшиқлар ёдлатиш, уларни такрорлаш мумкин. 3 ёшдан сўнг бу одати қолмаса, логопед мутахассисга кўрсатинг.
23.08.2021, 16:08
Қишнинг қировли кунларидан эсон-омон чиқиб олган Комилжон ота кенжа фарзанди Муродни (исм-шарифлар ўзгартирилган) уйлаш мақсадида тўй тайёргарликларини бошлаб юборди. Узоқ изланишлардан сўнг қиз ҳам топилди. Бироқ унаштирув...
06.08.2021, 17:47
CCВ Матбуот хизмати буйрак етишмовчилиги қандай хасталик экани ва уни бартараф этишда мамлакатимиз тиббиёти нималарга қодирлиги ҳақида Республика шошилинч тиббий ёрдам илмий маркази бўлим раҳбари,...
01.06.2021, 18:32
Сўнгги вақтларда ижтимоий тармоқларда хотин-қизларнинг таҳқирланиши, аёвсиз калтакланиш ҳолатлари акс этган хабар ва воқеалар ҳақидаги чиқишлар кескин ортиб кетди. Аммо бу каби вазиятлар кечагина содир...
13.05.2021, 22:34
Фарғона вилояти Марғилон шаҳрида 32 яшар аёл уйининг томорқасида кўкнори ўсимлиги етиштираётгани аниқланди, дея хабар бермоқда ИИВ матбуот хизмати.Қайд этилишича, 2021 йилнинг 5 май куни...
