Ўзбекистон терма жамоасининг ЖЧ–2018 саралаш босқичидаги рақиби – Қатар термаси Озарбайжон билан ўртоқлик ўйинида майдонга тушади.
Учрашув 9 март куни Доҳа шаҳридаги “Жассим бин Ҳамад” стадионида бўлиб ўтади. Беллашув маҳаллий вақт билан 18:00 да бошланади. Мазкур беллашув Қатар терма жамоаси учун ЖЧ–2018 турнирига саралаш босқичи иккинчи давраси олдидан тайёргарлик вазифасини ўтайди.
Маълумот учун, Қатар терма жамоаси саралаш босқичи “А” гуруҳи 5-туридан кейин 4 очко билан 5-ўринда бормоқда. Ўзбекистон термаси эса 9 очко билан учинчи поғонани эгаллаган.
Ўзбекистон ва Қатар саралаш босқичи 7-турида ўзаро тўқнаш келади. Мазкур ўйин Тошкентдаги “Бунёдкор” стадионида бўлиб ўтади.
