Осиё чемпионлар лигаси плей-офф босқичида Ўзбекистон терма жамоаси ярим ҳимоячиси Одил Аҳмедов тўп сураётган “Шанхай СИПГ” жамоаси Таиланднинг “Сукхотаи” клубига қарши баҳс олиб борди.
Мазкур учрашувда шанхайликлар 3:0 ҳисобида зафар қучди. Голларга Оскар ва Элкесон муаллифлик қилди. Яна битта голни Тупхунод ўз дарвозасига йўллади. Қайд этиш керакки, “Шанхай СИПГ”нинг биринчи голига Одил Аҳмедов ҳаммуаллифлик қилди.
“Шанхай СИПГ” ОЧЛ гуруҳ бўсқичининг “F” гуруҳида иштирок этадиган бўлди. Ушбу гуруҳда “Сеул” (Ж.Корея), “Урава Ред Даймондс” (Япония) ва “Вестерн Сидней Уондерс” (Австралия) жамоалари бор.
“Шанхай СИПГ” – “Сукхотаи” 3:0
Голлар: Оскар 34, Элкесон 41, Тупхунод 58 (автогол)
