“Реал Мадрид” ва “Барселона” жамоаси “Бавария” клуби ярим ҳимоячиси Тимоти Тильманга қизиқиш билдирмоқда. Бу ҳақда Marca нашрига асосланиб, Championat.com хабар бермоқда.
18 ёшли футболчининг агенти Кристиан Рёссернинг айтишича, каталонияликлар унинг мижози борасида боғланган. Бундан ташқари мадридликлар ҳам ёш иқтидорга қизиқаётгани тасдиқланди.
Тильман жорий мавсумда Бундеслиганинг биронта ҳам ўйинида майдонга тушмади. Унинг мюнхенликлар билан амалдаги келишуви 2018 йилнинг ёзигача мўлжалланган.
