Халқаро футбол федерацияси (ФИФА) терма жамоаларнинг янгиланган рейтингини эълон қилди. Ўзбекистон миллий терма жамоаси 554 очко билан 63-ўринда қайд этилди, дея хабар бермоқда ЎФФ матбуот хизмати.
Терма жамоа аввалги кўрсаткичга нисбатан 2 поғона пастлади. Ўзбекистон ОФКга аъзо терма жамоалар орасида 6-ўринда қолди. Эрон 798 очко билан Осиё мамлакатлари орасида пешқадамликни сақлаб қолган. Жанубий Корея 691 очко билан қитъада 2-поғонани эгаллаган бўлса, кучли учликдан Япония (629 очко) жой олди.
Эрон – 32-ўрин;
Жанубий Корея – 39-ўрин;
Япония – 52-ўрин;
Австралия – 54-ўрин;
Саудия Арабистони – 56-ўрин;
Ўзбекистон – 63-ўрин;
БАА– 68-ўрин.
ЖЧ–2018 турнирига учинчи саралаш босқичида Ўзбекистон билан бир гуруҳдан ўрин олган Қатар ўз ўрнини сақлаб қолди. Хитой 5 поғона пастлаган бўлса, Сурия терма жамоаси 3 ўринга кўтарилди.
Қатар — 85-ўрин;
Хитой — 86-ўрин;
Сурия — 93-ўрин.
ФИФА рейтингида ҳамон Аргентина (1635 очко) етакчилик қилмоқда. Иккинчи ўринни Бразилия (1529 очко) эгаллаб турган бўлса, учинчи ўриндан Германия (1433 очко) жой олган. Жадвалда 4–10-ўринларни мос равишда Чили, Бельгия, Франция, Колумбия, Португалия, Уругвай ва Испания терма жамоалари эгаллаган.
