Мадриднинг “Реал” жамоаси президенти Флорентино Перес “Барселона” ва “Алавес” ўртасида бўлиб ўтадиган Испания Кубоги финалини “Сантьяго Бернабеу” стадионида бўлиб ўтишига қарши чиқди.
“Испания Кубоги финали бизнинг майдонда бўлиб ўтмайди. Ўша куни стадионда реконструкция ишлари бўлади”, – дейди Флорентино Перес.
Кўпчиликнинг тахмин қилишича, Перес “Барселона” “Реал”нинг азалий рақиби бўлгани ва катта эҳтимол билан финалда ғолиб чиқишини инобатга олиб, каталонияликларнинг “Реал” майдонида муваффақиятини нишонлашини кўргиси келмаяпти.
Маълумот ўрнида, “Барселона” ва “Алавес” ўртасидаги Испания Кубоги финали 27 май кунга белгиланган.
