Мадриднинг “Реал” жамоаси ярим ҳимоячиси Иско клубнинг ашаддий рақиби бўлган “Барселона” сафига ўтиб кетиши мумкин. Бу ҳақда Marca хабар бермоқда.
Манбанинг таъкидлашича, каталонияликлар Искога жиддий қизиқиш билдиришмоқда. “Барселон” ярим ҳимоячини “Малага”да ўйнаган вақтлардаёқ кузатиб борган. Иско эса 2013 йилда “Реал”га ўтиб кетганди.
“Барселона”дан ташқари маҳоратли ярим ҳимоячига, шунингдек, “Ювентус”, “Челси” ва “Манчестер Сити” клублари қизиқмоқда.
Жорий мавсумда футболчи Испания чемпионатида 17 та ўйинда майдонга тушган ва 5 та гол уриб, 4 та голли узатмани амалга оширган. Унинг амалдаги шартномаси 2018 йилнинг ёзига қадар давом этиши лозим.
