Мадриднинг “Реал” жамоаси бош мураббийи Зинедин Зидан “Лас-Палмас”га қарши (3:3) Испания чемпионати 25-туридан кейин ўз фикрларини билдириб ўтди. Франциялик мутахассис ўйиннинг 49-дақиқасида майдондан четлатилган Гарет Бэйл ҳақида ҳам тўхталиб ўтди.
“Рақиб биринчи бўлимда тўпни назорат қилди ва бизга муаммолар туғдирди. Бэйлнинг четлатилишидан кейин жамоа иродали ўйин намойиш қилди. Афсуски, очко йўқотдик. Умуман олинган бир очкодан хурсанд бўлишимиз керак, аммо чемпионлик учун бу кам.
“Ҳакамлар ишига аралашмаймиз, қарор ўз кучида қолаверади. Бу футбол ва унда шундай вазиятлар бўлиб туради. Бэйл ўйиндан четлатилгани учун жамоадан узр сўради, – деди Зинедин Зидан.
