“Реал Мадрид” жамоаси ҳимоячиси ва сардори Серхио Рамос “Бетис”га қарши (2:1) Ла Лига 27-тур ўйинида гол киритиб, мадридликларга ғалаба келтирди.
Рамос жорий мавсумдаги 10-голини киритишга муваффақ бўлди. 30 ёшли футболчи шу кунгача фаолияти давомида бир мавсумда 10 та гол урмаган эди.
Ушбу ғалабадан сўнг “Реал” 62 очко билан 1-ўринга кўтарилиб олди ва энг яқин таъқибчиси “Барселона”дан (60 очко) икки очко ўзиб кетди. Шунингдек, мадридликлар ҳисобида битта захира ўйини мавжуд.
