Тошкент шаҳар Ички ишлар Бош бошқармаси томонидан фоҳишахона сақлаш ва қўшмачилик қилиш, фоҳишалик билан шуғулланиш, жамоат жойларида спиртли ичимликлар истеъмол қилинишини олдини олиш мақсадида, ўтказилган профилактик тадбирлар давомида 10 дан 16 мартга қадар 13 та фоҳишахона сақлаш ва қўшмачилик қилиш жиноятлари аниқланди.
Жиноят кодексининг 131-моддаси, яъни фоҳишахона сақлаш ва қўшмачилик қилиш аломатлари билан жиноят ишлари қўзғатилди.
Бундан ташқари фоҳишалик билан шуғулланиб келаётган 39 нафар шахс қўлга олинди.
Жамоат жойларида спиртли ичимлик истеъмол қилган 624 нафар шахсларга нисбатан маъмурий таъсир чоралари кўрилди.
