Украинанинг Харьков вилоятидаги Орелька қишлоғида яшовчи эркак шишадошлари билан спиртли ичимлик истеъмол қилиб, граната борлигини мақтанаётганда уни портлатиб юборди, деб хабар берди Ria.ru нашри.
Портлаш оқибатида бир киши ҳалок бўлди, икки киши яраланди, деб маълумот берди Украина Миллий полициясига қарашли вилоят бошқарув матбуот хизмати. Унинг ёзишича, воқеа сешанба куни кечқурун рўй берган.
47 ёшли эркак 33 ва 45 ёшли ўртоғи билан уйида спиртли ичимлик истеъмол қилган. Шунда уй эгаси қишлоқдошларига унда РГД-5 гранатаси борлиги билан мақтанмоқчи бўлган. Оқибатда граната портлаб, уй эгаси олган тан жароҳатидан касалхонада вафот этди, шериклари ҳам яраланиб, касалхонага ётқизилди. Ҳозирда уларнинг аҳволи ўртача оғирлик даражасида. Мазкур факт юзасидан жиноят иши қўзғатилди.
