Ижтимоий тармоқларга Украинанинг Харьков вилоятидаги энг катта ўқ-дори омборининг портлаши акс этган бир қанча видеокадрлар жойлаштирилди, деб хабар берди Ria.ru нашри.
Украинанинг Харьков вилоятидаги Балаклей шаҳрида жойлашган, 138 тонна снаряд сақланадиган йирик ҳарбий омборхона олов ичида қолди. Ёнғин ўқ-дориларнинг портлашига олиб келди, оқибатда етти километрлик “хавфсизлик зонаси” юзага келди. Ёнғиндан ҳеч ким жабрланмади, фавқулодда ҳодиса юз берган тумандан 20 минг нафар одам эвакуация қилинди.
Видеода ёнаётган бинолардан кўтарилаётган қуюқ тутунни ва портлаш овозини эшитиш мумкин.
Украина ҳарбий прокурори Анатолий Матиос бу ҳодисани “қўпорувчилик”, деб баҳолади.
