Ўзбекистонлик боксчи Фазлиддин Ғоибназаровнинг профессионал рингда ўз фаолиятини бошлаганлиги ҳақида аввалроқ хабар берилганди. Унинг илк рақиби номи ва жанг ўтказилиш жойи аниқ бўлди.
“Оламспорт”нашрининг хабар беришича, у ўзининг илк жангини 22 апрель куни АҚШнинг Калифорния штати Карсон шаҳрида жойлашган ClubHub Center аренасида ўтказади. Ўша куни Ғоибназаров америкалик Виктор Васкесга қарши рингга чиқади.
Виктор Васкес 1995 йил АҚШнинг Нью-Йорк шаҳрида дунёга келган. У профессионал боксда ҳозирга қадар 9 та жанг ўтказган бўлиб, шундан 7 тасида рақибларини мағлуб этиб, 2 тасида мағлуб бўлган. 3 та жангда рақиблари нокаут бўлган.
