Ҳайвонлар шифохонасида даволанаётган ит эшикларни ўзи очиб, касалхонадан қочиб кетди, деб хабар берди Tjournal.ru нашри.
10 апрель куни АҚШнинг Виржиния штатидаги Стаффорд шаҳридаги Aquia-Garrisonville Animal Hospital номли ҳайвонлар шифохонасидан Генерал лақабли ит қочиб кетди. Шуниси қизиққи, ит эшик тутқичларини тумшуғи билан бураб очган.
Эртаси куни касалхона ходимлари итнинг ҳовлида дам олиб ётганлигини кўришди. Ит эгасига қайтарилди.
