Жамоатчилик АҚШнинг янги президенти Дональд Трампнинг оиласи ва сиёсатига ижобий баҳо бермаган бўлса-да, унинг рафиқаси, АҚШнинг биринчи хоними Мелания Трампга хайриҳохлик билдиришмоқда, деб хабар берди Pomada.cc нашри.
У ёшлигида ярим яланғоч ҳолда суратга тушган бўлса, эндиликда стилистлар ёрдамида умуман бошқа одамга айланди. Айни кунларда Дональд Трамп Оқ уйда Иордания қироли ва қироличасини кутиб олди. Мелания Трамп мазкур учрашув учун ажойиб кўйлак танлади. Уни бу либосда кўрган ижтимоий тармоқ фойдаланувчилари Кейт Миддлтонга қиёслашди. Улар яқин кунларда биринчи хонимнинг шаҳзода Уильямнинг рафиқасидан ҳам ўзиб кетишига ишонч билдиришди. Буни эса вақт кўрсатади!
