Америкалик эркак йўл бўйидан ичига пул солинган сумка топди, деб хабар берди ичидан Tjournal.ru нашри.
2017 йилнинг 8 апрель куни Американинг Огайо штатидаги Колумбис шаҳрида яшовчи Жейк Бауэрс (Jake Bowers) рафиқаси ва икки фарзанди билан сайр қилиш учун хиёбонга кетаётганда йўл бўйида ётган сумкага кўзи тушди. У буни ноутбук солинган сумка, деб ўйлади. Шунинг учун рафиқасидан тўхташни сўради. Сумкани очганда, ичига юз долларлик купюралар тўлдирилганини кўрди. Сумкада 14 минг доллардан ташқари, ҳужжатлар ҳам бор эди. Жейк фарзандларига намуна бўлиш учун пул солинган сумкани полиция участкасига топширди.
“Бу пуллар ёрдамида машина учун олинган кредитни ёпишим ёки таътилда бирор жойда дам олишим, эҳтиёжим учун зарур бўлган озиқ-овқат маҳсулотлари ёки бирорта керакли буюмни сотиб олишим мумкин эди”, дейди Жейк Бауэрс.
Сумкадан топилган ҳужжат ёрдамида унинг эгаси топилди. У ўша куни автомобиль сотиб олиш учун йўлга чиққан, аммо машина сотиб олмаган ва сумкани машина томида эсдан чиқариб қолдирган. Машина йўлга тушгач, сумка ерга тушиб қолган.
