АҚШнинг Вашингтон штати қамоқхонасидаги камералардан бирида беш кишини отиб ўлдирганликда айбланган 20 ёшли йигитнинг жасади топилди, деб хабар берди Ria.ru нашри.
Назоратчилар қамоқхонада текширув ўтказаётганда йигитнинг жасадига дуч келишди. Йигит ўзини осиб ўлдирган. 2016 йилнинг 23 сентябрь куни бир эркак ва 4 та аёлни отиб ўлдирган йигитнинг ҳаракати ҳозирча ўз жонига қасд қилиш, деб баҳоланмади. Ҳозирда текширув ишлари кетмоқда.
