Забайкальялик қиз Москва шаҳрига бориб, айланиб келиш учун дугонасини тунади, деб хабар берди Moslenta.ru нашри.
Жиноятчи қиз қўлга олинди. Воқеа февраль ойида содир бўлган бўлса-да, бу ҳақда 19 апрель куни маълум бўлди.
Шилкин туман полиция бўлимга 18 ёшли қиз ариза билан мурожаат қилиб, паспорти, банк картаси ва омонат касса дафтарчаси йўқолганлигини маълум қилди. Кейинчалик омонат касса дафтарчасидан 72 минг рубль ечиб олингани аниқланди.
Тезкор-тергов ишлари натижасида ўғриликни қизнинг дугонаси содир этгани маълум бўлди. Пулни ечиб олган қиз зудлик билан Москва шаҳрига жўнаган.
У Москва вокзалларидан бирида, поезддан тушган пайтда қўлга олинди. Қиз ўз айбига иқрор бўлди. Унга нисбатан “Ўғирлик” жинояти бўйича айб эълон қилинди, қизга беш йилгача озодликдан маҳрум этиш жазоси тайинланиши мумкин.
