Sevimli

​Яккасарой туман ҳокимлигида мурожаатлар билан ишлаш тўғри ташкил этилмагани аниқланди

ЖАМИЯТ 21.04.2017, 16:06
Теглар: Тошкент, ҳоким
​Яккасарой туман ҳокимлигида мурожаатлар билан ишлаш тўғри ташкил этилмагани аниқланди

Сайёр қабул давомида фуқаролар ва тадбиркорлик субъектлари ўзларини қийнаётган муаммолар юзасидан бевосита тегишли соҳа раҳбарларига мурожаат қилиш ва улар юзасидан жавоб олиш имкониятига эга бўлди.

Давлатимиз раҳбарининг топшириғига биноан ташкил этилган очиқ мулоқотда суд, ҳуқуқни муҳофаза қилиш ва назорат органлари, вазирликлар, давлат қўмиталари, марказий идора ва ташкилотлар, банк-молия муассасалари раҳбарлари, Тошкент шаҳри ва Яккасарой тумани ҳокимликлари масъул ходимлари фуқаролар ва тадбиркорларнинг мурожаатларини тинглаб, уларни жойида ҳал этишга ҳаракат қилдилар. Қўшимча ўрганиш зарур, деб топилган мурожаатлар бўйича мутасадди идора ва ташкилотлар белгиланиб, ижроси назоратга олинди.

Таҳлилларга мурожаат қиладиган бўлсак, Ўзбекистон Республикаси Президентининг Виртуал қабулхонасига Тошкент шаҳрининг Яккасарой тумани аҳолисидан 2017 йилнинг 20 апрель ҳолатида жами 6 654 та мурожаат келиб тушган.

Уларнинг асосий қисми уй-жой олиш ва уй-жой қуриш учун ер ажратиш, жойларда уй-жойларнинг тамирга мухтожлиги юзасидан масаласи бўйича 1 094 та мурожаат (16,4%), банк-молия ва солиққа тортиш масалалари бўйича 581 та мурожаат (8,7%), судларда жиноят ишлари, фуқаролик ишлари, хўжалик судларида ишлар кўрилиши бўйича 514 та мурожаат (7,7%), моддий ёрдам, иш ҳақи, пенсия таъминоти ҳамда болалар нафақасини олиш масалалари бўйича 385 та мурожаат (5,8%), фуқароликни қабул қилиш ва фуқароликдан чиқиш, паспорт олиш ва пропискага ўтиш масалалари бўйича 354 та мурожаат (5,3%), суд қарорларининг ижро этилиши масалалари бўйича 317 та (4,8%), меҳнат ва бандлик масаласи, шу жумладан ишга жойлашиш ва ишга тикланиш масалалари бўйича 252 та мурожаат (3,8%) ва бошқа масалалр бўйича келиб тушган.

Тадбирда таъкидлаб ўтилганидек, бу рақамлар бир томондан халқимизнинг давлат ҳокимияти ва қонун устуворлигига бўлган ишончи ортиб бораётганидан далолат берса, иккинчи томондан, давлат ва хўжалик бошқаруви органлари, шаҳар ва туман ҳокимликлари масъул шахсларининг халқдан, уни қийнаб келаётган муаммолардан узоқлашиб қолгани, мурожаатлар билан ишлаш соҳасига етарли даражада эътибор қаратмагани каби салбий омиллар чуқур илдиз отиб кетганини кўрсатади.

Мурожаатларнинг 2 177 тасини бевосита Яккасарой тумани ҳокимлиги ваколатига тааллуқли масалалар ташкил этади. Туман ҳокимлигида мурожаатлар билан ишлаш тўғри ташкил этилмагани, мурожаатларни тақсимлаш ва назорат қилиш ишларига малакали кадрлар жалб этилмагани ҳамда таҳлил ишлари йўлга қўйилмагани оқибатида фуқароларнинг шикоят ва аризаларига қонунда белгиланган муддатда жавоб бериш шартлари бузилишига йўл қўйилмоқда. Мисол учун, ҳозирги кунда 145 та муддати ўтган мурожаат мавжуд бўлиб, шундан 42 таси 2016 йилдан қолдиқ бўлиб ўтган, 103 таси эса жорий йилнинг январь, февраль ва март ойларида келиб келиб тушган.

Очиқ мулоқотда туманда мурожаатлар билан ишлаш, одамларнинг ичига чуқур кириб бориш, уларни тинглаш, йиғилиб қолган муаммоларни ҳал қилиш борасида йўл қўйилаётган хато ва камчиликлар кескин танқид қилинди. Одамлар дарди билан яшаш, уларнинг муаммоларини ўз вақтида ҳал этиб, фаровон турмушни таъминлаш, хато ва камчиликларга бефарқ бўлмай, уларни бартараф этиш учун жон куйдириш, барча ўз ишига масъулият билан ёндашиш кераклигига эътибор қаратилди.

Шарҳлар

Тошкентда "пайдо бўлган "мафия"лар"га суд ҳукми ўқилди

30.06.2022, 11:24

Ўтган йилнинг ноябрь ойида ижтимоий тармоқларда "Шаҳар бедарвозами? Ким бўлди булар бемалол ўзгаларни жонига таҳдид қилишмоқда" деб номланган видео тарқалган эди. Унга кўра, 2021 йилнинг 31 октябрь...
Тошкентда коронавирусга ихтисослаштирилган махсус поликлиникалар фаолияти қайта ташкил этилади

24.06.2022, 22:27

Тошкент шаҳрида коронавирус инфекцияси тарқалишининг олдини олишга қарши қўшимча чора-тадбирлар тўғрисида Тошкент шаҳар ҳокими қарори имзоланди. Унга кўра, коронавирус инфекцияси тарқалишининг олдини олиш, беморларга малакали тиббий ёрдам...
30 йил деганда биринчи марта Душанбедан Тошкентга поезд келмоқда

21.06.2022, 11:44

Тожикистон пойтахти Душунбе шаҳридан Тошкентга поезд келмоқда. Бу ҳақда УзА хабар қилди. Маълум қилинишича, поезд бугун, 21 июнь куни соат 13.43 да Тошкент вокзалига етиб келиши...
Пойтахт ҳокимлиги дарахтлар таги бетонлаб кетилаётганига гувоҳ бўлганлардан хабар беришларини сўрамоқда

04.06.2022, 09:54

Тошкент шаҳар ҳокимлиги фуқаролардан дарахтлар атрофи зич қилиб бетонлангани ёки асфальт ётқизилаётганини кўрганда Халқ Назорати хизматига хабар беришларини сўрамоқда. "Афсуски, кўпинча дарахтларга масъулиятсиз муносабат учрайди -...
Кун мавзуси: коронавирус
Об-ҳаво: Тошкент
+24.97° очиқ ҳаво
Валюта курси
10850.10
USD -15.84
11344.86
EUR 11.68
198.99
RUB -8.28
1