Халқ билан мулоқот ва инсон манфаатлари йилида аҳолининг ижтимоий ҳимояга муҳтож қатламларини моддий ва маънавий қўллаб-қувватлашни кучайтириш, жамиятимизда ҳамжиҳатлик, меҳр-оқибат, бағрикенглик ва хайр-саховат муҳитини янада мустаҳкамлашга алоҳида эътибор қаратилмоқда, деб ёзади ЎзА.
Ўзбекистон Касаба уюшмалари федерацияси томонидан бир қатор жамоат ташкилотлари иштирокида жорий йилнинг 20 апрелидан 26 майигача мамлакатимиздаги эҳтиёжманд оилалар ва Меҳрибонлик уйларида тарбияланган 620 жуфт келин-куёвнинг никоҳ ҳамда 3 минг 280 боланинг суннат тўйи ўтказилаётгани ҳам ҳар бир фуқаро давлатимиз ва ҳукуматимиз эътиборида эканининг амалдаги ифодасидир.
Ушбу хайрия тадбири ижтимоий кўмакка муҳтож инсонларнинг кўнглини кўтариш, турмуш фаровонлигини оширишга муносиб ҳисса қўшишдек олижаноб мақсадга хизмат қилади.
21 апрель. Бухоро шаҳридаги “Паризод” тўйхонаси байрамона безатилган. Даврага бирин-кетин кириб келаётган келин-куёвлар карнай-сурнай садолари остида миллий анъаналаримизга мувофиқ кутиб олинди.
Йигит-қизларнинг ота-оналари, қариндошлари, маҳалла фаоллари, фахрийлар, жамоатчилик вакиллари ва ёшлар иштирок этган никоҳ тўйида ҳар бир туманнинг ўзига хос хусусиятлари ҳисобга олинган ҳолда ишлаб чиқилган тадбирлар дастури даврага ўзгача шукуҳ бағишлади.
Президентимиз Шавкат Мирзиёев раҳнамолигида ёшларнинг бахтиёр ва фаровон яшаши, ҳаётда муносиб ўрин топишига катта эътибор қаратилаётгани таъкидланиб, янги оила қураётган 10 жуфт келин-куёвга никоҳ узуклари, байрамона миллий либос ҳамда сарполар совға қилинди. Шодиёнада келин-куёвларга тантанали равишда никоҳ гувоҳномалари, замонавий ётоқхона мебеллари тўплами топширилди.
Албатта, оила қураётган ёшларнинг турмуш фаровонлиги уларнинг бандлик даражасига, барқарор иш ўрнига ҳам боғлиқ. Бинобарин, никоҳ тўйлари арафасида келин-куёвларнинг иш билан таъминланган ё таъминланмагани ўрганилиб, ишсизлари тегишли тартибда ишга жойлаштирилди. Тантанали маросимда уларга меҳнат дафтарчалари ҳам топширилди.
Тадбирда Бухоро вилояти ҳокими Ў.Барноев сўзга чиқди.
07.03.2023, 13:30
Фарғонада 20 ёшли ўғил оилавий келишмовчилик сабаб ўз онасини пичоқлаб ўлдирди. Бу ҳақда "zamon" информацион дастурида хабар қилинди. Маълум қилинишича, Фарғона вилояти Марғилон шаҳар "Дўстлик" маҳалласида яшовчи...
01.10.2022, 14:39
Самарқанддаги тўйхонада яқинларининг қаровсизилиги сабаб йўқолган болакай, базмгоҳ атрофидаги 8 метрлик қудуққа тушиб кетганлиги аниқланди. Бу ҳақда Самарқанд вилояти ИИБ матбуот хизмати хабар берди.Маълум қилинишича,...
20.07.2022, 09:30
Покистонда тўйда иштирок этиш учун келаётган меҳмонлар бўлган қайиқ чўкиб кетди, дея хориж ОАВга асосланиб ёзмоқда "Zamon.uz"Маълум қилинишича, камида 20 киши ҳалок бўлган. Улар аёллар...
20.09.2021, 10:56
Аввал хабар берганимиздек, Республика махсус комиссиясининг йиғилишида Ўзбекистонда карантин талабларини қисқартириш орқали аҳолига маданий ва маънавий ҳордиқ чиқариш ҳамда дам олишларини мазмунли ўтказиш учун қулай...
