1

​Тошкентда гимнастика бўйича Жаҳон кубоги босқичи мусобақаси бошланди

ЖАМИЯТ 22.04.2017, 10:56
Теглар: Спорт, Тошкент
​Тошкентда гимнастика бўйича Жаҳон кубоги босқичи мусобақаси бошланди

Спортнинг энг гўзал, нафис тури мухлисларининг эътибори шу кунларда пойтахтимизга қаратилган. Тошкентда бадиий гимнастика бўйича Жаҳон кубоги босқичи мусобақаси бошланди. Бу ҳақда ЎзА хабар бермоқда.

Мусобақа Ўзбекистон Республикаси Жисмоний тарбия ва спорт давлат қўмитаси, Миллий олимпия қўмитаси, Гимнастика федерацияси, Халқаро гимнастика федерацияси ҳамкорлигида ташкил этилиб, унда Ўзбекистон, Арманистон, Австралия, АҚШ, Беларусь, Болгария, Грузия, Индонезия, Испания, Исроил, Латвия, Норвегия, Россия, Словения, Таиланд, Финляндия, Швейцария, Эстония, Япония ва Қозоғистон каби давлатлардан юзга яқин гимнастикачи ўзаро баҳслашмоқда.

Тошкентдаги Гимнастика бўйича болалар-ўсмирлар ихтисослаштирилган республика олимпия захираси спорт мактаби томошабинлар ва хорижлик меҳмонлар билан гавжум.

21 апрель куни мазкур мусобақанинг тантанали очилиш маросими бўлиб ўтди.

Ўзбекистон Республикасининг давлат мадҳияси янграйди.

Ўзбекистоннинг спорт соҳасида нуфузи йилдан-йилга ортиб бормоқда. Буни нуфузли халқаро турнирлар, жаҳон чемпионатлари, Олимпия ва Осиё ўйинларида спортчиларимизнинг қўлга киритаётган ғалабалари яққол тасдиқлайди. Спортчиларимиз кўплаб олтин, кумуш ва бронза медалларга сазовор бўлаётгани билан фахрланамиз. Булар мамлакатимизда жисмонан соғлом, маънавий етук баркамол авлодни тарбиялаш борасидаги ишлар самарасидир.

Ўзбекистонда болалар ва ёшларни спорт билан фаол шуғулланишга оммавий жалб қилиш бўйича уч босқичли узлуксиз тизим яратилган.

Мамлакатимизда қизларнинг жисмоний тарбия ва спорт билан шуғулланишига алоҳида эътибор қаратилмоқда. Бадиий гимнастика билан шуғулланувчи қизлар сафи кенгайиб бормоқда. Назокат ва гўзаллик тимсоли бўлган ушбу спорт тури қизларнинг жисмонан соғлом, иродаси мустаҳкам, диди ва дунёқараши юксак инсонлар бўлиб вояга етишига хизмат қилади.

Жаҳон кубоги босқичида тажрибали гимнастикачиларимиз Сабина Тошкенбоева ва Анастасия Сердюкова мамлакатимиз шарафини ҳимоя қилмоқда. Гуруҳ баҳсларида Ксения Александрова, Сафия Бозорова, Алина Қосимова, Динора Равшанбекова, Комилабону Рустамова, Гўзал Раймановадан иборат гуруҳ иштирок этмоқда.

Шарҳлар

Тошкентда метрополитен ходими пора билан ушланди

16.05.2024, 13:28

Тошкентда метрополитен ходими пора билан ушланди. У фуқаронинг ишончига кириб, уни ишга жойлаб қўйишни ваъда қилган. Бу ҳақда Тошкент метрополитени матбуот хизмати хабар берди. Маълум қилинишича,...
Тошкентда 25 ёшли йигит шилқимлик қилганлиги учун қамалди

14.05.2024, 14:15

Жорий йилнинг 13 май куни Тошкент шаҳар жиноят ишлари бўйича Чилонзор туман судида кўчада аёлга шилқимлик қилган йигит бўйича иш кўриб чиқилди. Бу ҳақда darakchi.uz...
Тошкентда талаба йигит 5 йилга қамалди

08.05.2024, 17:27

Ўзбекистон Жаҳон тиллари университетининг 2 босқич талабаси бўлган 20 ёшли йигит Тошкентдаги Исроил элчихонаси ёнига бориб, уни ёқиб юбориш мақсадида девор оша ичкарига керосин солинган...
Тошкентда ўртача ойлик иш ҳақи 8 млн сўмдан ошди

29.04.2024, 14:00

2024 йилнинг январь-март ойларида номинал ҳисобланган иш ҳақи ўртача 8 млн сўмни ташкил этади. Бу ҳақда Статистика агентлиги хабар берди.  Иш ҳақининг энг юқори кўрсаткичлари...
Об-ҳаво: Тошкент
Валюта курси
1