12 соат давом этган “тутиш” тадбиридан сўнг қоплон қўлга олинди, деб хабар берди Tjournal.ru нашри.
Ҳиндистоннинг Курули (Kuruli) қишлоғида полиция ходими қоплонга ем бўлмаслик учун томдан сакради. Полициячи Биджай Кунтия (Bijay Khuntia) қишлоқдаги уйлардан бирининг молхонасига яшириниб олган йиртқични тутишда қишлоқ аҳлига ёрдам берди. Аммо кутилмаганда қоплон томга чиқиб, полициячига ҳужум қилди. Йиртқич Кунтияга тирноғини ботиришга улгурди. Оқибатда полициячи тан жароҳати олиб, касалхонага ётқизилди. Полициячидан ташқари, яна икки киши, шу жумладан 16 ёшли бола ҳам йиртқич чангалидан жабрланди. Қоплон 12 соатдан кейин қўлга олинди. Айни пайтда қоплонни ҳайвонот боғига жойлаштириш чоралари кўрилмоқда.
