27-28 апрель кунлари Самарқанд шаҳрида “Мева ва сабзавотларни экспорт қилишни қўллаб-қувватлаш ва рақобатчиликни ривожлантириш” мазуида бизнес-форум ташкил этилади.
Унда юздан ортиқ мева ва сабзавот ишлаб чиқарувчилар, савдогарлар, харидорлар, чакана савдо тизими вакиллари, инвесторлар, ҳудуддаги ва ундан ташқаридан келган ривожланиш институтлари вакиллари Марказий Осиёда савдони янада рағбатлантириш ва мева-сабзавот ва унга боғлиқ секторлар маҳсулотлари экспортини кўпайтириш борасидаги имкониятларни ва инновацион ечимларни топиш учун йиғилишади.
Тадбирда Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, мева ва сабзавот маҳсулотларини ишлаб чиқарувчилар, савдогарлар, харидорлар, чакана савдо вакиллари, инвесторлар, ривожланиш институтлари, АҚШ элчихонаси, Америка Қўшма Штатларининг Халқаро ривожланиш агентлиги (USAID) ва оммавий ахборот воситалари вакиллари иштирок этишади.
Тадбир Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси, USAID нинг Марказий Осиёда рақобатчилик, савдо ва бандлик масалалари бўйича лойиҳаси (CTJ) ва Германия халқаро ҳамкорлик ташкилотининг (GIZ) “Марказий Осиёда ҳудудий савдони қўллаб-қувватлаш дастури” кўмагида ташкил этилмоқда.
Тадбир доирасида 28 апрель куни Ургут эркин иқтисодий зонасига ташриф уюштирилади.
