my5
25

​Лола ўзининг 2002 йилдаги видеосини кўриб қулоқлари ва кўзларига ишона олмагани ҳақида ёзди(Видео)

ШОУ-БИЗНЕС 26.04.2017, 11:52
Теглар: Видео, Лола Йўлдошева
19516
​Лола ўзининг 2002 йилдаги видеосини кўриб қулоқлари ва кўзларига ишона олмагани ҳақида ёзди(Видео)

Хонанда Лола ўзининг Instagram`даги саҳифасига бундан 15 йил аввал “Истиқлол” санъат саройидаги концертда чиқиши акс этган видеодан парча жойлади. “Потерялись” қўшиғини ижро этаётган Лола ўша пайтда 16 ёшда бўлган. Лола 2002 йилдаги ўзбек шоу-бизнеси ҳақида қуйидаги фикрларни билдирди:

“Келажакка қайтиш...Бу 2002 йилдаги видео! Мен видеони томоша қила туриб, қулоқларим ва кўзларимга ишона олмаяпман. Мен ўшанда 16 ёшда эдим! Мамлакатнинг бош саҳнаси! Менинг қорним очиқ! Кийимим қулоқларимгача йиртиқ! Ва аниқ ифодаланган ўсмирларга хос максимализм! Ва ҳеч ким ўша пайт менга таъна тошини отиш ҳақида ўйлаб ҳам кўрмаган! Мен ҳозир кийимлардаги очиқлик даражаси ҳақида эмас. Биз ўша вақтда маданиятли жамиятда яшаганмиз! Биламанки, менинг сўзларим ва ушбу ‘шайтоний’ видеодан сўнг(айнан мана шу сўзни мен турли ижтимоий медиа изоҳларида кўп кўраман ва эшитаман) мен танқидларга дучор бўламан.

Бироқ мен анчадан бери мамлакатимиздаги таназзулга юз тутаётган шоу-бизнес учун қайғурмоқдаман. Шунинг учун, рухсатингиз билан фикримни айтиб олсам.

Мен 2002 йилдаги концерт дастурини томоша қилдим. Ва шуни айтаманки, дўстлар бугунги кунда биз нафақат 15 йилга ортда қолдик, балки биз инқирозга юз тутдик ва бизнинг тингловчиларимиз ҳам биз билан бирга.

Бизнинг шоу-бизнесимизда 15 йил аввал бўлган даражага етиш учун биз ҳали кўп ижод қилишимиз керак!

Ўшанда қандай мусиқалар яратардик! Қанча кўп йўналишлар мавжуд бўлиб, ривожланаётган эди. Рок, поп, фолк, хип-хоп, рэп ва ҳар бир ижрочи ўзига хосликка эга эди. Ўша йилларда яратилган ҳар бир қўшиқ ҳозиргача севиб тингланади. Сабаби, ҳамма ижод билан шуғулланар эди! Ҳозир эса ҳамма хонандалар бизнес, тўй-бизнеси билан шуғулланмоқда. Улар ҳақиқий мусиқа яратишдан қўрқишади. Улар одат бўлиб қолган йўналишлардан четга чиқишга қўрқишади.

Чунки, шоу-бизнес дунёсини тўйлар бошқармоқда! Шунинг учун ҳамма тўйбоп қўшиқлар яратмоқда. Радиони ёқасан—битта охири йўқ қўшиқ кун давомида янграйди!

Ўзига ва ўз ишига содиқлар саноқли қолди. Тингловчининг мусиқий дидини ўстиришга интилаётган, жамоатчиликка бераётган нарсасининг мазмуни ҳақида унутиб қўймаган, ўз қўшиқлари билан халқни ортидан бораётган эмас, балки уни бир поғона кўтарадиганлар саноқли. Бу миссия. Ҳозир юза бераётган ҳолат-қайғули. Тўлақонли дидсизлик! Узликсиз давом этаётган ўз-ўзини севиш ва шўхидан бўлсин! Мен мамлакатда амалга оширалаётган ўзгаришларга сидқидилдан ишонаман ва умид қиламанки, биз ўлик нуқтадан олдинга ҳаракатланамиз.

Ўғирланган қўшиқлар, маънавий тушкун клиплар, беҳаё концертлар бўлмайди ва бизнинг маданиятимиз янги, ёрқин рангларга эга бўлади. Ижодкорлик ва жасурлик ғалаба қозонади! Ижод ва муҳаббат!

P.S.Ўзингиздаги санъатни севинг, санъатдаги ўзингизни эмас!”


Шарҳлар

Хонанда Каниза коронавирусга чалинганини маълум қилди (Видео)

17.07.2020, 13:35

Ижтимоий тармоқларда хонанда Канизанинг коронавирусга чалингани ҳақида гапирган видеолавҳа тарқалди.Унда Каниза короновирусга чалинганига саккиз кун бўлганлигини, аҳволи борган сари ёмонлашаётганини, неча маротаба қўнғироқ қилаётганига қарамай,...
Ўртасарой карантин зонасидагилар оч ҳолатда ушлаб турилганликларини айтишмоқда (Видео)

09.07.2020, 15:16

Ижтимоий тармоқларда Тошкент, Ўртасарой карантин зонасидаги ҳолат ҳақидаги видеолавҳа тарқалди. Унда карантинга олинганлар қуйидагиларни маълум қилишди:"18 кун бўлди, бизни ҳали ҳам ушлаб туришибди. Кеча обеддан...
Ўзбекистонда коронавирус беморлари учун ажратилган барча койкалар тўлгани маълум қилинди (Видео)

08.07.2020, 15:18

Бу ҳақда ССВ штаби аъзоси, профессор Ҳабибулла Оқилов айни дақиқаларда давом этаётган брифингда айтиб ўтди. Сўнгги маълумотларга кўра, мамлакатда 3986 киши коронавирусдан даволанмоқда.
Ўз соғлигига эътиборсизлик билан қараган беморда коронавирус оғир кечмоқда (Видео)

08.07.2020, 14:50

Видеолавҳада гувоҳи бўлганингиздек, сунъий нафас олиш аппаратига уланган беморнинг аҳволи ниҳоятда оғир кечмоқда. Шифохоналаримизда тез-тез юз бераётган бу каби ачинарли ҳолатларни кўп эшитганмиз, аммо бундан...
Кун мавзуси: коронавирус
Об-ҳаво: Ташкент
+25° ясно
Валюта курси
10209.86
USD 2.17
12021.09
EUR 125.05
137.46
RUB -4.91