Ҳиндистон кино санъатига муносиб хисса қўшган таниқли актёри Винод Кханна вафот этди. Актёр узоқ давом этган оғир касалликдан сўнг бугун, 27 апрель куни Мумбай шаҳрида вафот этди.
Кханна актёрлик фаолиятини 70-йилларда бошлаган. У ўша йиллардаёқ Ҳиндистоннинг энг севимли актёрларидан бирига айланди.
Ўзбек кино ихлосмандларига Винод Кханна “Амар, Акбар, Антони” , “Чандни” каби фильмлари билан яхши таниш.
