Франциянинг Бордо шаҳрида 1 майга ўтар кечаси 200 та автомобилнинг ғилдираги тешилди, деб хабар берди Lenta.ru нашри.
Бордо шаҳар полиция участкасига ўнлаб ҳайдовчилар бир хил шикоят — автомобилларининг ғилдираги тешилганлиги ҳолати юзасидан мурожаат қилишди. Аризачиларнинг сони 200 тага етди. Барча автомобилларнинг иккитадан — олд ва орқа ғилдиракларидан биттаси тешилган. Ҳар бир автомобиль ғилдирагидаги 2 сантиметр йиртилган жойга қараб, жиноятчи ғилдиракларни пичоқ ёрдамида тешган, деб тахмин қилинди. Бордо шаҳрида мазкур ҳолатга илк маротаба дуч келингани йўқ. Ўтган йилнинг декабрь ойида номаълум шахс 48 та автомашина ғилдирагини тешган эди. Аммо полициячилар уни топа олмаган эди.
