Ўзбекистон Республикаси Фавқулодда вазиятлар вазирлиги бугун, 3 май куни Ўзбекистоннинг айрим ҳудудларида кузатилган зилзила юзасидан ахборот берди. Ахборотда маълум қилинишича, зилзила оқибатида жабрланиш ва талофатлар кузатилмаган.
«Тошкент» сейсмостанциясининг берган маълумотига кўра, 2017 йилнинг 3 май куни соат 09:47да Республикамизнинг айрим ҳудудларида зилзила қайд этилган. Зилзиланинг эпицентри Тошкент шаҳрининг жанубий-шарқий йўналишида 295 км узоқликда Тожикистон Республикаси ҳудудига тўғри келади. Эпицентрда қайд этилган зилзила магнитудаси М=6,0 ни ташкил этди.
Республика ҳудудида сейсмик фаоллик Фарғонада 4,5 балл, Андижонда 4 балл, Тошкентда 3,5-4 баллни ташкил этган.
