“Тошкент” сейсмостанциясининг берган маълумотига кўра, 2017 йилнинг 4 май куни соат 16:10 да республикамизнинг айрим ҳудудларида такрорий (афтершок) зилзила қайд этилди.
Фавқулодда вазиятлар вазирлигидан берилган хабарга кўра, зилзиланинг эпимаркази Тошкент шаҳрининг жанубий-шарқий йўналишида 260 км узоқликда Тожикистон Республикаси ҳудудига тўғри келади. Эпимарказда қайд этилган зилзила магнитудаси М=5,2 ни ташкил этди.
Республика ҳудудида сейсмик фаоллик Фарғона, Андижон, Наманган ва Тошкентда 2 баллга яқин бўлди.
Зилзила оқибатида жабрланиш ва талофатлар кузатилмади.
